TESCHINA

TESCHINA
vulgo Teschen, urbec. Silesiae, caput Ducatus cognominis prope confinia Moraviae, ad Elsam fluv. 4. milliar. Germanic. in confinio Poloniae superioris in Occasum fere 7. supra Ratiboriam in Meridiem. Olim sub Principe proprio, e familia superioris Silesiae Ducum. Auctor rami Teschinensis Casimirus II. fuit, fil. Uladislai superioris Silesiae Ducis. Hic Casimirus A. C. 1288. Wenceslao Bohemiae Regi se submisit, et sequenti annô exstinctus, reliquit ex Beatrice Brandeburgica Iohannem, cuius familia in abnepote Duce Teschinensi, Domino zatoriae, A. C. 1513. defecit: et Casimirum III. cuius filius alter primissaus Teschinensem principatum tenuit, inde fratris Semoviti glogoviensis haeres, et postea quoque Falcoburgiô, ex donatione Wencessai Imperatoris auctus est, obiit A. C. 1407. pater Bolessai, qui Wencessao itidem carus, Sigismundi adiutor A. C. 1417. adversus Borussos fuit. Hôc natus Bolessaus, obiit A. C. 1460. pater ex Anna Mazovia Casimiri IV. qui partem dimidiam Glogoviae suam regi Bohemiae cessit: mortuus A. C. 1528. utriusque Silesiae Capitaneus. Huius postumus Wenceslaus Adamus, Austriacis fidissimus, filium Adamum Wenceslaum successorem reliquit A. C. 1579. qui in aula Christiani I. Electoris Saxoniae educatus, postea in bello Turcico se strenue gessit, et A. C. 1617. supremus Silesiae Capitaneus constitutus, sequente annô obiit, cum ad Latina sacra transiisset: in quibus etiam, filius eius ex Elisabetha Curlandica Fridericus Wilhelmus, educatus, nostrâ memoriâ morte suâ totam Micissai, cui superior Silesia A. C. 1664. sicut fratri eius Boleslao inferior, obtigerat, lineam terminavit. Vide Phil. Iacobum Spenerum Syllog. Genealog. Histor.

Hofmann J. Lexicon universale. 1698.

Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.